IT 服務供應商 對 “科技券 TVP Technology Voucher Program” 既愛又恨，原因：
愛既原因：
- 更係好啦，個客淨係俾 三分之一既錢，就已經做到十分既項目，變相三折三購買項目。
- 邊個買嘢唔想平D，所以此計畫確實鼓勵到客人發展科技升級轉型項目，生意多左（至少多人問嘢）。
- 因為有此計畫，而且手續、文件幾繁複，客人一般會選擇「一次性」將項目做大少少，所以 IT 服務商除左多左生意之外，每單生意（項目）既金額相對以前較大。
恨既原因：
- 由於客人申請科技劵要先「貨比三家」，IT 服務商變相有落空既機會又多左。
- 有D客人似乎只對 IT 服務商索取報價，卻似乎無意幫襯，所以出唔出報價單心大心細，怕陪跑，蝕抵。
- 如果客人有意僱用，卻嫌手續繁複，或要求 科技供應商幫忙參與申請科技劵等事務。科技供應商 一般唔會很擅長呢類工作。所以，或者會愛莫能助，有生意做不得。
- 如果中標了，項目又隨時可以開始，客人又因申請科技劵有待審批需時長，以致項目一直懸空，令科技供應商等到頸都長都未能開工。
個人見解：
其實我覺得科技劵計畫係一項目三贏既方案：客人可以俾少D錢，又可以升級轉型，科技服務商又多左生意機會，整個商業圈既生意模式效率相應會提高。儘管如此，好多客人甚至乎科技服務商都唔識得珍惜。客人嫌麻煩，供應商嫌麻煩，因而所有方面都卻步。我覺得每樣政策都要配合良好既執行指引。科技劵既流程自2016年來，已改進了唔少，尤其係宜家金額已經加碼，兼且申請條件、申請流程等全部已放寬及簡化左。所以各方面應該懷著珍惜既心態去「領取」使用科技劵。唔同真係要求政府「直接打款」去你銀行？雖然，申請科技劵既責任其實係在客人，但係由於呢D資助始終都係用在科技供應商提供服務上使用既，所以，IT服務供應商都係好應該珍惜同配合。
